ဗဟိုစိုက်ပျိုးရေးသုတေသနနှင့်လေ့ကျင့်ပညာပေးဌာန
(Central Agriculture Research and Training Center - CARTC)
တည်နေရာ
ဗဟိုစိုက်ပျိုးရေးသုတေသနနှင့် လေ့ကျင့်ပညာပေးဌာနသည် ရန်ကုန်မြို့၏
အရှေ့မြောက်အရပ် ၃၆ မိုင်အကွာ ရန်ကုန်-မန္တလေး အဝေးပြေးကားလမ်းဘေးတွင် တည်ရှိပါသည်။
ဧရိယာအကျယ်အဝန်း
| လယ်မြေ |
၂ဝ ဧက |
| ယာမြေ |
၆ ဧက |
အဆောက်အဦနှင့်လမ်း
|
၃၄ ဧက |
| စုစုပေါင်း |
၆ဝ ဧက |
ရည်ရွယ်ချက်
- အထွက်ကောင်း သီးနှံမျိုးများ၏ စိုက်ပျိုးနည်းစနစ်များ ဖွံ့ဖြိုးတိုးတက်စေရန်၊
- သစ်သီးဝလံနှင့် ဟင်းသီးဟင်းရွက် သုတေသနပြု စမ်းသပ်စိုက်ပျိုးရန်၊
- မြေဆီလွှာ၊ သီးနှံကာကွယ်ရေးနှင့် အပင်တစ်သျှူးမွေးမြူရေး သုတေသနလုပ်ငန်းများ ဆောင်ရွက်ရန်၊
- ခေတ်မီ သိပ္ပံနည်းကျ စိုက်ပျိုးရေးစနစ်များကို စိုက်ပျိုးရေးပညာရှင်များအတွင်း တိုးတက်ပြန့်ပွားစေရေးအတွက် သင်တန်းများဖွင့်လှစ်ပို့ချရန်၊
ဖွဲ့စည်းပုံနှင့် ဝန်ထမ်းအင်အား
CARTC တွင်
- (၁) သုတေသနနှင့် စိုက်ကွင်း
- (၂) သင်တန်းနှင့် သတင်းအချက်အလက်
- (၃) မော်တော်ယာဉ်နှင့် လယ်ယာသုံးစက်ကိရိယာ
- (၄) စီမံခန့်ခွဲရေးနှင့် ငွေစာရင်း
- (၅) အဆောင်နှင့် စားရိပ်သာ
- (၆) ဥယျာဉ်သီးနှံနှင့် သန့်ရှင်းသာယာလှပရေး
- (၇) လုံခြုံရေး
- (၈) ရေမီး
ဌာနစု (၈)ခုဖြင့် ဖွဲ့စည်းထားပြီး စုစုပေါင်းဝန်ထမ်းအင်အား (၇၁)ဦး ရှိပါသည်။
ဖွင့်လှစ်လျှက်ရှိသောသင်တန်းများ
CARTC တွင် ဘာသာရပ်ဆိုင်ရာ အထူးသင်တန်းများနှင့် ရိုးရိုးသင်တန်းများ၊ လုပ်ငန်းခွင်ဝင် အကြို သင်တန်းများ၊ အလုပ်ရုံဆွေးနွေးပွဲများ၊ စီမံခန့်ခွဲရေးနှင့် ငွေစာရင်းသင်တန်းများ ဖွင့်လှစ်လျှက်ရှိပါသည်။
သုတေသနလုပ်ငန်းများ
ဗဟိုစိုက်ပျိုးရေးသုတေသနနှင့် လေ့ကျင့်ပညာပေးဌာနအနေဖြင့် စိုက်ပျိုးရေးပညာရှင်များအား ဘာသာရပ်ဆိုင်ရာ သင်တန်းမျး ပို့ချပေးရုံသာမက
- ဥယျာဉ်ခြံသီးနှံ သုေတသနလုပ်ငန်း (ဥပမာ – ဗိုင်းရပ်ရောဂါ ကင်းစင်သည့် ငှက်ပျော၊ ရှားစောင်း၊ နာနတ်နှင့် သစ်ခွများအား တစ်သျှူးပွားများ နည်းဖြင့် မျိုးပွားခြင်း၊ သံပုရာ၊ ကျွဲကော၊ သစ်ခွတို့ကို
လျင်လျင်မြန်မြန် ပွားများနိုင်သည့် အပင်တစ်သျှူး မွေးမြူနည်းများအား
စူးစမ်းရှာဖွေလေ့လာခြင်း)၊
- မြေဆီလွှာ သုတေသနလုပ်ငန်းများ (ဥပမာ - ဓာတ်မြေသြဇာ
အရည်အသွေး ထိန်းသိမ်းခြင်း၊ မြေဆီလွှာ၊ ရေ ဓာတ်ခွဲစမ်းသပ်ခြင်း၊ မြေဆီလွှာ
ရူပဂုဏ်သတ္တိနှင့် မြေဆွေးဓာတ်ပါဝင်မှု၊ ဆားငန်နှင့်
အချဉ်မြေဆီလွှာ ခွဲခြားစူးစမ်းလေ့လာခြင်း)၊
- သီးနှံကာကွယ်ရေးသုတေသန လုပ်ငန်း
(ဥပမာ - အဓိက ဖျက်ပိုးများအား ဇီဝနည်းအားဖြင့် ကာကွယ်နှိမ်နင်းခြင်း၊
အကျိုးပြုအင်းဆက်ပိုးများအား မွေးမြူပွားများခြင်း၊
ပေါင်းကာကွယ်နှိမ်နင်းသည့် နည်းလမ်းများ လေ့လာ စူးစမ်းခြင်း၊ ပေါင်း
စုဆောင်းခြင်းနှင့် အမျိုးအစားခွဲခြားခြင်း၊ မျိုးစေ့ဆောင် ရောဂါများ
လေ့လာခြင်း၊ အဓိကဖျက်ပိုးများ၏ဇီဝကမ္မဗေဒအား လေ့လာခြင်း) နှင့်
- စိုက်ကွင်းသုတေသနလုပ်ငန်း (ဥပမာ- စပါး၊ ပဲမျိုးစုံ၊
ဆီထွက်သီးနှံမျိုးများ စမ်းသပ်စိုက်ပျိုးခြင်း၊
မျိုးစပါးများ စမ်းသပ်စိုက်ပျိုးခြင်း၊ ပွားများထုတ်လုပ် ခြင်း၊
စိုက်ပျိုးနည်းစနစ်များ စမ်းသပ်သုတေသနပြုလုပ်ခြင်း၊
စပါးလမိုင်းစမ်းသပ်ခြင်း၊ စပါး-ငါး တွဲဘက်စိုက်ပျိုးခြင်း၊
သီးနှံပုံစံများ စမ်းသပ်စိုက်ပျိုးခြင်း၊ ဘဲ-စပါး တွဲဘက်စိုက်ပျိုးခြင်း၊
စပါးတွင် အကျိုးပြုဇီဝမြေသြဇာ (အီးအမ်)ကိုသုံး၍
စိုက်ပျိုးထုတ်လုပ်ခြင်း)
စသည့် သုတေသနလုပ်ငန်းများကို ဆောင်ရွက်လျှက်ရှိပါသည်။
